سربراہ اقوام متحدہ انتونیو گوتریس نے پاکستان کو انتخابات کے بعد درپیش مسائل کے قانونی حل پر زور دیا۔

تفصیلات کے مطابق اقوام متحدہ کے سیکریٹری جنرل  انتونیو گوتریس نے پاکستانی حکام سے پاکستان کی صورتحال پر تبادلہ خیال کیا۔

اقوام متحدہ کے سربراہ نے پاکستانیوں پر زور دیا کہ وہ انتخابات کے بعد کے تمام مسائل کو طے شدہ قانونی طریقہ کار کے ذریعے حل کریں۔

12 فروری کو اقوام متحدہ کے سیکرٹری جنرل انتونیو گوتریس نے پاکستانی حکام اور سیاسی رہنماؤں سے انتخابات کے بعد ہونے والے مسائل حل کرنے کا مطالبہ کیا۔

انتونیو گوتریس نے کہا کہ  کسی بھی ایسی کارروائی سے گریز کیا جائے جو کشیدگی کا باعث ہو۔

 اقوام متحدہ کے سربراہ نے ملک میں امن و امان کی صورتحال کو قائم رکھنے پر زور دیا۔

انتونیو گوتریس کا کہنا تھا کہ وہ پاکستان کی صورتحال پر گہری نظر رکھے ہوئے ہیں اور تمام مسائل اور تنازعات کو طے شدہ قانونی طریقہ کار کے ذریعے حل کرنے پر زور دیتے ہیں۔

انتونیو گوتریس کے ترجمان اسٹیفن ڈوجارک نے کہا کہ  انتخابات  کے بعد کی صورتحال میں انسانی حقوق اور قانون کی حکمرانی کے لیے پاکستانی عوام کے مفاد کا مکمل احترام کیا جائے۔

انہوں نے پاکستانی حکام اور سیاسی رہنماؤں سے اپیل ہے کہ وہ پرسکون ماحول کو برقرار رکھیں اور ہر قسم کے تشدد کو مسترد کریں، اس سے اجتناب کریں اور کسی بھی ایسے اقدام سے گریز کریں جو کشیدگی کو بڑھا سکیں۔