قومی اسمبلی کے سابق ممبران نو مئی مقدمات میں بانی پی ٹی آئی اورشیخ رشید کے خلاف وعدہ معاف گواہ بن گئے۔

تفصیلات کے مطابق بانی پی ٹی آئی، شیخ رشید کے خلاف نو مئی کے مقدمات کے کیس میں سابق اسپیکر پنجاب اسمبلی واثق قیوم، سابق ممبر قومی اسمبلی صداقت عباسی اور عمر تنویر بٹ وعدہ معاف گواہ بن گئے

پولیس ذرائع کا کہنا ہے کہ صداقت عباسی، واثق قیوم اورعمر تنویر بٹ نے 154 کا بیان ریکارڈ کرالیا۔

انسداد دہشت گردی عدالت راولپنڈی نے بانی پی ٹی آئی، شیخ رشید اور شیخ راشد شفیق کو 6 فروری کو عدالت طلب کرلیا۔

تینوں وعدہ معاف گواہوں نے عدالت میں بیان دیا کہ نو مئی کی پلاننگ شیخ رشید، راجہ بشارت، شیخ راشد شفیق، اعجاز خان جازی، راشد حفیظ اور بانی پی ٹی آئی کی ایما پر کی گئی۔

این اے 53 میں پی ٹی آئی کے حمایت یافتہ امیدوارکرنل اجمل صابرنے بھی شیخ رشید کے خلاف وعدہ معاف گواہ بن گئے۔

اجمل صابرنے پولیس کو بیان دیا کہ شیخ رشید نے 6 مئی کو لال حویلی میں اجلاس بلایا تھا جہاں نو مئی کی پلاننگ کی گئی تھی۔