بابر اعظم کو دوبارہ کپتان بنائے جانے کا امکان
سابق کپتان بابر اعظم کو دوبارہ قومی ٹیم کا کپتان بنائے جانے کا امکان ہے۔
ذرائع کے مطابق پاکستان کرکٹ بورڈ (پی سی بی) نے سابق کپتان بابر اعظم کو ایک مرتبہ پھر قومی ٹیم کا کپتان بننے کی پیشکش کردی ہے۔
ذرائع کا کہنا ہے کہ سلیکشن کمیٹی نے اپنی تجاویز چیئرمین پی سی بی کو بھجوائی ہیں جس میں کپتانی کے لیے بابر اعظم کا نام دیا گیا ہے۔
ذرائع کا مزید کہنا ہے بورڈ نے قومی ٹیم کی سابقہ میچوں کی پرفارمنس کو دیکھتے ہوئے ٹیم کی قیادت تبدیل کرنے کا فیصلہ کیا ہے۔
چیئرمین پی سی بی نے گزشتہ دنوں پریس کانفرنس میں شاہین شاہ آفریدی کو ٹی ٹوئنٹی کپتان برقرار رکھنےسے متعلق کہا تھا کہ انہیں برقرار رکھنا ہے یا کسی اور کو ذمہ داری سونپیں فیصلہ سوچ سمجھ کر کیا جائے گا۔
دوسری جانب بابر اعظم کے قریبی ذرائع کا کہنا ہے کہ انہوں نے ابھی تک کپتانی کی ذمہ داری قبول کرنے سے متعلق کوئی حتمی فیصلہ نہیں کیا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News