پی ایس ایل 9 ایلیمینیٹر 1 کے میچ میں اسلام آباد یونائیٹڈ نے کوئٹہ گلیڈی ایٹرز کو 39 رنز سے شکست دے کر فائنل میں جگہ بنا لی۔

نیشنل اسٹیڈیم کراچی میں ہونے والے میچ میں کوئٹہ گلیڈی ایٹرز کی ٹیم 175 رنز کے ہدف کے تعاقب میں 18.4 اوورز میں 135 رنز بنا کر آؤٹ ہو گئی۔

کوئٹہ گلیڈی ایٹرز کے دونوں اوپنرز ناکام رہے، جیسن رائے 1 اور سعود شکیل کوئی رن بنائے بغیر پویلین لوٹ گئے۔

عمیر یوسف نے 50 رنز کی عمدہ اننگ کھیلی۔ عقیل حسین نے 31 اور محمد عامر نے 23 رنز بنائے۔

اسلام آباد یونائیٹڈ کے عماد وسیم نے گلیڈی ایٹرز کی ٹیم پر کاری ضرب لگائی اور 4 اوورز میں صرف 12 رنز دے کر 3 وکٹیں حاصل کیں۔

نسیم شاہ نے 2 وکٹیں حاصل کیں، جبکہ اوبڈ میکوئے، حنین شاہ اور فہیم اشرف نے 1،1 کھلاڑی کو آؤٹ کیا۔

اس سے قبل اسلام آباد یونائیٹڈ نے ٹاس جیت پہلے بیٹنگ کا فیصلہ اور مقررہ 20 اوورز میں 9 وکٹوں کے نقصان پر 174 رنز بنائے۔

یونائیٹڈ کے اوپنر مارٹن گپٹل نے 56 رنز کی عمدہ اننگ کھیلی، ایلکس ہیلز نے 23 رنز بنائے۔

آغا سلمان 31 رنز بنا کر آؤٹ ہوئے جبکہ شاداب خان 23 اور اعظم خان نے 18 رنز بنائے۔

کوئٹہ گلیڈی ایٹرز کے محمد عامر اور عقیل حسین نے 2،2 کھلاڑیوں کو آؤٹ کیا جبکہ محمد وسیم، ابرار احمد اور سعود شکیل نے 1،1 کھلاڑی کو آؤٹ کیا۔