طلال چوہدری نے بانی پی ٹی آئی کے حوالے سے کہا ہے کہ ایسا کوئی قیدی نہیں جسے ورزش کی مشین، ڈاکٹر اور ملازم کی سہولت ہو۔

رہنمامسلم لیگ (ن) طلال چوہدری نے میڈیا سے گفتگوکرتے ہوئے کہا کہ بانی پی ٹی آئی نے جھوٹا بیانیہ بنانے کی کوشش کی ہے،  بانی پی ٹی آئی جھوٹا بیانیہ بنانے میں ماہرہیں۔

طلال چوہدری نے کہا کہ ایسی سہولتیں کسی کونہیں ملیں جتنی بانی پی ٹی آئی کوملیں، ایسا کوئی قیدی نہیں جسے ورزش کی مشین، ڈاکٹراورملازم کی سہولت ہو۔

انھوں نے کہا کہ ایسی سہولیات کے باوجود بھی جھوٹ بولا جاتا ہے کہ قید تنہائی میں ہوں، 9 مئی پاکستان کے اداروں میں تقسیم پیدا کرنے کی کوشش تھی، آج عدلیہ پردباؤ ڈالنے کی کوشش کر رہے ہیں۔

طلال چوہدری نے کہا کہ یہ عدلیہ پردباؤ ڈالتے ہیں تو ریلیف ملتا ہے، یہ سمجھتےہیں پھرکوئی کندھوں پربٹھا کر وزیراعظم ہاؤس لے جائے گا۔

رہنما ن لیگ نے مزید کہا کہ بانی پی ٹ آئی کوپہلے بھی سہولایت ملتی رہی ہے، یہ واحد سزایافتہ قیدی ہیں جن کے پاس 7 کمرے ہیں۔