صدرمملکت آصف زرداری نے کہا ہے کہ آزاد کشمیر کےعوام کے مطالبات کو قانون کے مطابق پورا کیاجانا چاہئے۔

اسلام آباد میں صدرمملکت آصف علی زرداری سے پاکستان پیپلز پارٹی پارلیمینٹیرین کے آزاد کشمیرقانون سازاسمبلی کے ممبران نے ملاقات کی۔

وفد نے صدرمملکت کو آزاد جموں و کشمیر میں حالیہ افسوسناک واقعات سے آگاہ کیا۔

ملاقات کے دوران صدر مملکت آصف زرداری نے کہا کہ تمام اسٹیک ہولڈرزتحمل کامظاہرہ کریں، آزاد جموں وکشمیرکے مسائل بات چیت اورباہمی مشاورت سے حل کریں۔

https://www.bolnews.com/urdu/wp-content/uploads/2024/05/WhatsApp-Video-2024-05-12-at-9.01.59-PM.mp4?_=2

صدرآصف زرداری نے کہا کہ سیاسی جماعتوں، اداروں اورآزاد کشمیرکےعوام کو ذمہ داری سے کام لینا چاہئے، ذمہ داری سے کام لیں تاکہ دشمن عناصرحالات کا فائدہ نہ اٹھا سکیں۔

صدرمملکت نے وفد سے مزید کہا کہ آزادکشمیرکےعوام کے مطالبات کوقانون کےمطابق پوراکیا جانا چاہئے، موجودہ صورتحال کاحل نکالنے کیلئے وزیراعظم پاکستان سے بات کروں گا۔

صدرمملکت آصف زرداری نے آزادجموں وکشمیرکی موجودہ صورتحال پرافسوس کا بھی اظہارکیا۔