آزادکشمیر کے عوام کے مطالبات کو قانون کےمطابق پورا کیاجانا چاہئے، صدرمملکت

ویب ڈیسک

12th May, 2024. 09:13 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

آزادکشمیر کے عوام کے مطالبات کو قانون کےمطابق پورا کیاجانا چاہئے، صدرمملکت

صدرمملکت آصف زرداری نے کہا ہے کہ آزاد کشمیر کےعوام کے مطالبات کو قانون کے مطابق پورا کیاجانا چاہئے۔

اسلام آباد میں صدرمملکت آصف علی زرداری سے پاکستان پیپلز پارٹی پارلیمینٹیرین کے آزاد کشمیرقانون سازاسمبلی کے ممبران نے ملاقات کی۔

وفد نے صدرمملکت کو آزاد جموں و کشمیر میں حالیہ افسوسناک واقعات سے آگاہ کیا۔

ملاقات کے دوران صدر مملکت آصف زرداری نے کہا کہ تمام اسٹیک ہولڈرزتحمل کامظاہرہ کریں، آزاد جموں وکشمیرکے مسائل بات چیت اورباہمی مشاورت سے حل کریں۔

صدرآصف زرداری نے کہا کہ سیاسی جماعتوں، اداروں اورآزاد کشمیرکےعوام کو ذمہ داری سے کام لینا چاہئے، ذمہ داری سے کام لیں تاکہ دشمن عناصرحالات کا فائدہ نہ اٹھا سکیں۔

صدرمملکت نے وفد سے مزید کہا کہ آزادکشمیرکےعوام کے مطالبات کوقانون کےمطابق پوراکیا جانا چاہئے، موجودہ صورتحال کاحل نکالنے کیلئے وزیراعظم پاکستان سے بات کروں گا۔

صدرمملکت آصف زرداری نے آزادجموں وکشمیرکی موجودہ صورتحال پرافسوس کا بھی اظہارکیا۔