اسپیکرقومی اسمبلی سے اسدقیصرکی قیادت میں پارلیمانی وفد کی ملاقات

اسپیکر قومی اسمبلی سردار ایاز صادق سے اسد قیصر کی قیادت میں پارلیمانی وفد نے ملاقات کی ہے۔

پارلیمانی وفد میں محمدعلی خان، عامرڈوگر، رائےحسن نواز، خرم شہزاد شامل تھے۔ ملاقات میں پارلیمانی امورکے حوالے سے تبادلہ خیال کیا گیا۔

اپوزیشن ارکان نے اپنے تحفظات اورشکایات اسپیکرتک پہنچا دیں۔

ذرائع کا کہنا ہے کہ پی ٹی آئی وفد نے اپنی جماعت کے اراکین کی گرفتاری کا معاملہ اٹھایا اورگرفتاراراکین کے پروڈکشن آرڈرجاری کرنے کا بھی مطالبہ کیا۔

اسپیکرسردار ایاز صادق نے قواعد کے مطابق معاملہ دیکھنے کی یقین دہانی کرائی۔ اپوزیشںن اراکین نے الیکشن ایکٹ ترمیمی بل پر تحفظات سے آگاہ کیا۔