ملک احمد خان نے کہا ہے کہ اپوزیشن کا لیڈرچاہتا ہے کہ ملک میں افراتفری ہو، ان کو سہولتیں تولینی ہیں لیکن اسمبلی کوچلنے نہیں دینا۔

لاہور میں اسپیکرپنجاب اسمبلی ملک محمداحمدخان نے میڈیا سے گفتگو میں کہا کہ حالات نے مجبورکیا کہ عوام سے ضروری بات کروں، آج کااجلاس اپوزیشن کی ریکوزیشن پربلایا تھا، 2 کروڑ71لاکھ روپے پنجاب اسمبلی کے ایک اجلاس پرخرچ ہوتے ہیں۔

ملک محمداحمد خان نے کہا کہ اپوزیشن نے اسمبلی سے تنخواہیں لینی ہیں، اپوزیشن شورشرابا، بجٹ کی کاپیاں پھاڑ کرواویلا کرتی ہے، بطوراسپیکراخلاق سے گری گندی گالیوں کی اجازت نہیں دوں گا۔

اسپیکرپنجاب اسمبلی نے کہا کہ رولزکے مطابق خلاف ورزی کرنے والوں کے خلاف کارروائی کروں گا، اپوزیشن کے 60اراکین نے ٹی اے ڈی اے کےلیے حاضری لگائی، عوامی اسمبلی لگا کر بیٹھتے ہیں توکوئی اعتراض نہیں۔

ملک احمد خان نے کہا کہ روزاجلاس بلائیں گاؤن پہن کراجلاس چلائیں، اپوزیشن کی عوامی اسمبلی ٹوکن احتجاج ہے، کتنےلوگ ہوں گے جولکھ کرمجھے بھیجیں گے کہ آج کے اجلاس کی تنخواہ نہیں لینی، چیمبرز،سرکاری گاڑیوں، اسٹاف کے لیے اپوزیشن کی درخواستیں آرہی ہیں۔

اسپیکرنے کہا کہ سہولتیں تولینی ہیں لیکن اسمبلی کوچلنے نہیں دینا، آپ کا لیڈرچاہتا ہے ملک میں افراتفری ہو، پنجاب اسمبلی میں گندی گالیاں نہیں نکالنے دوں گا، آپ سڑک پرحلف لےرہے ہیں توقانون کے مطابق یہ جعلسازی ہیں، حلف اٹھانا قسم اٹھانا ہوتا ہے، جھوٹی قسمیں اٹھا رہے ہیں۔

ملک احمد خان کا کہنا تھا کہ کب تک ملک کے ساتھ ایسارویہ رکھیں گے؟ اپنی نوعیت کا پہلاواقعہ ہے کہ اپوزیشن نے ریکوزیشن دی اورخود ہی نہ آئی، وزارت قانون سے پوچھ لیا ہے کہ کیسےاخراجات پرلائحہ عمل ہوگا، خودساختہ دیانتدار 10 روپے چھوڑنے کو تیار نہیں۔

انھوں مزید کہا کہ اپوزیشن کومعاشی تنگی تھی جس وجہ سےحاضری لگائی، اگرکسی کواندرجانے کی اجازت نہ تھی تو60 لوگ کیسے حاضری لگا گئے؟ کچھ لوگوں کا وجودعدم استحکام، افراتفری سے جڑاہوا ہے، جب تک انتشاررہے گا ملک میں معاشی استحکام نہیں آ سکتا۔