جیسن گلیسپی نے کہا ہے کہ پاکستانی ٹیم باصلاحیت ہے لیکن پرفارمنس میں تسلسل لانا ہوگا۔ پاکستان کی کوچنگ کے لیے بے تاب ہوں۔

کراچی میں ریڈبال کے ہیڈکوچ جیسن گلیسپی نے نیوزکانفرنس کرتے ہوئے کہا کہ پاکستان کی کوچنگ کے لیے بے تاب ہوں،  میرے لیے یہاں آنا بہترین تجربہ ہے، گزشتہ ہوم سیزن میں پاکستان کوشکست ہوئی تھی۔

ہیڈکوچ جیسن گلیسپی نے کہا کہ آسٹریلیا میں پاکستان نے اچھی کارکردگی دکھائی تھی، پاکستانی ٹیم باصلاحیت ہےلیکن پرفارمنس میں تسلسل لاناہوگا، پاکستان کی کوچنگ کے لیے بے تاب ہوں۔ پاکستان شاہینزکے ساتھ کام کرنے کا تجربہ بھی اچھا ہوگا۔

ریڈبال کے ہیڈکوچ جیسن گلیسپی نے کہا کہ اگر آپ انٹرنیشنل کرکٹ کھیل رہے ہیں تو آپ کو فٹ اور تیار ہونا چاہیے۔ فٹ رہنا کھلاڑیوں کی ذمہ داری ہے۔ ورلڈ ٹیسٹ چیمپٸن شپ ہمارا اصل ہدف ہے۔ اس کے لیے ہمیں بہت محنت کرنے کی ضرورت ہے۔

جیسن گلیسپی نے کہا کہ جتنی زیادہ ٹیسٹ کرکٹ کھیلیں گے اتنا فاٸدہ ہوگا۔ وائٹ بال کرکٹ گیری کرسٹن کی ذمےداری ہے۔