چین نے کہا ہے کہ اس نے 44 سال بعد بحر الکاہل میں ایک بین البراعظمی بیلسٹک میزائل (آئی سی بی ایم) کا کامیاب تجربہ کیا ہے۔

بیجنگ کی وزارت دفاع کا کہنا ہے کہ آئی سی بی ایم کا تجربہ آج مقامی وقت کے مطابق 8 بج کر 44 منٹ پر لانچ کیا گیا اور یہ متوقع سمندر میں اپنے ہدف پر کامیابی سے ٹکرایا۔

وزارت دفاع کا مزید کہنا تھا کہ یہ تجربہ معمول اور سالانہ تربیت کا حصہ تھا۔

میزائل کی قسم اور اس کی پرواز کا راستہ واضح نہیں ہے، لیکن چین کے سرکاری میڈیا کا کہنا ہے کہ بیجنگ نے متعلقہ ممالک کو پیشگی آگاہ کر دیا تھا۔

جبکہ جاپان نے بعد میں کہا تھا کہ اسے اس تجربے کے لانچ کا کوئی نوٹس نہیں ملا ہے۔

چین کے جوہری ہتھیاروں کے تجربات عام طور پر اندرون ملک ہوتے ہیں اور اس سے قبل اس نے سنکیانگ خطے میں صحرائے تکلمکان میں مغرب میں آئی سی بی ایم کا تجربہ کیا تھا۔

خیال کیا جاتا ہے کہ 1980 کے بعد یہ پہلا موقع ہے جب اس نے بین الاقوامی سمندر میں آئی سی بی ایم لانچ کیا ہے۔