امریکی شہر نیویارک میں قائم ورلڈ ٹریڈ سینٹر پر 11 ستمبر 2001 کو 23 برس بیت چکے ہیں۔

امریکی تاریخ میں سب سے بڑے دہشت گردی کے اس حملے میں تقریباً 3 ہزار افراد ہلاک ہوئے تھے، اور حملے میں معاشی حب کہلانے والے ورلڈ ٹریڈ سینٹر کی دو بلند و بالا عمارتیں ملبے کا ڈھیر بن گئیں تھیں۔

اس حملے میں مسافر طیاروں کا استعمال کیا گیا جو امریکہ کے مختلف ہوائی اڈوں سے پرواز کے فوراً بعد ہائی جیک کئے گئے تھے۔ دو طیارے صرف 18 منٹ کے فرق سے ورلڈ ٹریڈ سینٹر کی دونوں عمارتوں سے ٹکرائے۔

اس کے علاوہ امریکا کے اہم دفاعی مرکز پینٹاگون اور پنسلوینیا میں بھی طیاروں سے حملہ کیا گیا۔ اُس وقت کے امریکی صدر جارج بش نے دہشت گردوں کے خلاف جنگ کا اعلان کر دیا تھا۔

امریکا نے ان حملوں کا ذمہ دار القاعدہ کو ٹھرایا تھا اور 25 دن بعد 7 اکتوبر کو افغانستان پر حملہ کر دیا تھا، اس حملے کو امریکا نے ’آپریشن اینڈیورنگ فریڈم‘ کا نام دیا تھا۔