وزارت قومی صحت میں رائٹ سائزنگ سفارشات کوحتمی شکل دےدی گئی ہے۔

ذرائع کے مطابق وزارت صحت پر سفارشات رائٹ سائزنگ کمیٹی کو بھجوا دی گئیں، رائٹ سائزنگ کمیٹی سفارشات پرحتمی عملدرآمد پلان تیارکرےگی۔

ذرائع کا کہنا ہے کہ وزارت صحت پرمجوزہ عملدرآمد پلان وزیراعظم کو پیش کیا جائے گا، حکومت کا کالج آف فزیشنز اینڈ سرجنز کو برقرار رکھنے کا فیصلہ کیا گیا ہے جبکہ پاکستان میڈیکل اینڈ ڈینٹل کونسل کوبھی برقرار رکھنے کا فیصلہ کیا گیا ہے۔

سفارشات کے مطابق پی ایم ڈی سی میں گریڈ ایک سے 16 کی 98 آسامیاں ختم کی جائیں گی، وزارت خزانہ پی ایم ڈی سی کے بینک اکاؤنٹس کی نگرانی کرے گی۔

شہید ذوالفقار علی بھٹو میڈیکل یونیورسٹی برقرار رکھنے کا فیصلہ کیا گیا ہے اور ذوالفقار بھٹو میڈیکل یونیورسٹی اسلام آباد انتظامیہ کو منتقل ہو گی۔

ہیلتھ سروسز اکیڈمی، فیڈرل میڈیکل کالج کو برقرار رکھنے کا فیصلہ کیا گیا، ایچ ایس اے، فیڈرل میڈیکل کالج اسلام آباد انتظامیہ کو منتقل ہو گی جبکہ پرائمری ہیلتھ کیئر کے تحت ورٹیکل پروگرامز جاری رہیں گے۔

پی ایچ سی کے ورٹیکل پروگرامز بیرونی فنڈنگ تک جاری رہیں گے، پاکستان فارمیسی کونسل پر نظرثانی کی جائے گی اور ڈرگ ریگولیشنز، شعبہ انسداد وبائی امراض وزارت صحت کے ماتحت رہے گا۔

ذرائع کے مطابق سفارشات کے تحت ادویات کی قیمتوں کے تعین کا اختیار ڈریپ سے الگ کیا جائے گا۔