ژوب کے گورنمنٹ ماڈل ہائیر سیکنڈری اسکول کا کلرک امتحانی داخلہ فیس کی مد میں جمع 23 لاکھ جوئے میں ہارگیا

گورنمنٹ ماڈل ہائیر سیکنڈری اسکول کے پرنسپل وزیر خان کے مطابق جماعت نہم اور دہم کے 878 طلبہ کے امتحانی فیس کی مد میں 23 لاکھ 14 ہزار روپے کلرک کے پاس پڑے تھے۔

پرنسپل کا کہنا تھا کہ کلرک کو فیس متعلقہ اکاؤنٹ میں جمع کرانے کا کہا گیا تو اس نے آن لائن جوئے میں رقم ہارنے کا انکشاف کیا۔

پرنسپل نے کہا کہ بلوچستان بورڈ میں فیس جمع کرانے کی آخری تاریخ 30 اکتوبر مقرر ہے اور بروقت فیس جمع نہ ہونے کی صورت میں طلبہ کے داخلے متاثر ہونے کا خدشہ ہے۔

پرنسپل وزیر خان نے مزید بتایا کہ پولیس نے کلرک کو گرفتار کرکے مقدمہ درج کرلیا ہے۔