اسپیکر ایاز صادق کی زیر صدارت قومی اسمبلی کا اجلاس شروع ہو گیا، قومی اسمبلی اجلاس میں 26 ویں آئینی ترمیم پیش کی جائے گی۔

چیئرمین پیپلزپارٹی بلاول بھٹو ایوان میں پہنچ گئے ہیں بلاول بھٹو نے اپوزیشن اراکین سے مصافحہ بھی کیا، آصفہ بھٹو زرداری بھی ایوان میں پہنچ گئیں.

قومی اسمبلی میں معمول کی کارروائی معطل کرنے کی تحریک منظور کی گئی۔

وزیر قانون اعظم نذیر تارڑ نے 26 ویں آئینی ترمیم کے بل کی تحریک پیش کی۔

اسپیکر قومی اسمبلی نے 12 بجنے سے 5 منٹ پہلےاجلاس ملتوی کیا اور 12 بج کر 5 منٹ پر اجلاس دوبارہ شروع ہوا۔

قومی اسمبلی کے ایوان میں نوازشریف کی آمد پر اراکین کی جانب سے شیر آیا شیر آیا کے نعرے لگائے گئے۔

نواز شریف نے بلاول بھٹو زرداری سے مصافحہ کیا، ایوان میں وزیر اعظم شہباز شریف بھی موجود ہیں۔

لیگی ارکان وزیراعظم شہبازشریف اورنو ازشریف کےگرد جمع ہو گئے اور نواز شریف اور شہباز شریف سے مصافحہ کیا۔