آرمی چیف جنرل سید عاصم منیر نے کراچی میں جاری دفاعی نمائش آئیڈیاز 2024 کا دورہ کیا۔

پاک فوج کے شعبہ تعلقات عامہ (آئی ایس پی آر) کے مطابق ایکسپو سینٹر کراچی میں ہونے والی دفاعی نمائش آئیڈیاز 2024  میں دوست مملک کی شرکت کو آرمی چیف نے سراہا، انہوں نے مقامی اوربین الاقوامی نمائش کنندگان کی حوصلہ افزائی کی۔

آرمی چیف جنرل سید عاصم منیر کی دفاعی نمائش میں آمد پر کور کمانڈر کراچی لیفٹیننٹ جنرل بابر افتخار نے استقبال کیا۔

آئی ایس پی آر کے مطابق دفاعی نمائش آئیڈیاز 2024 میں 557 نمائش کنندگان شریک ہیں، جن میں 333 بین الاقوامی اور 224 مقامی شرکاء شریک ہیں۔

آئیڈیاز 2024 میں 36 ممالک کے اسٹالز لگائے گئے ہیں، اور 17 مملک پہلی بار آئیڈیاز 2024 نمائش میں شرکت کر رہے ہیں۔

آئی ایس پی آر کے مطابق آرمی چیف نے نمائش میں اسلحہ اور سازوسامان کا مشاہدہ کیا، اور فوجی حکام اور دفاعی مندوبین سے بات چیت کی۔

دفاعی نمائش میں شاہپر3 بغیر پائلٹ طیارہ توجہ کا مرکزرہا، پاکستانی ساختہ شاہپر 3 طیارے کا دفاعی نمائش میں ہی آرمی چیف جنرل سید عاصم منیر نے افتتاح کی گیا تھا۔

آئی ایس پی آر کے مطابق شاہپر 3 طیارہ 35 ہزار فٹ کی بلندی پر 24 گھنٹے سے زائد پرواز کر سکتا ہے۔