وزیر مذہبی امور چوہدری سالک حسین نے 3 دسمبر تک حج درخواستیں جمع کرانے والے تمام عازمینِ حج کے لیے خوشخبری سنا دی ہے۔

انہوں نے اعلان کیا ہے کہ 18 نومبر سے 3 دسمبر تک موصول ہونے والی تمام حج درخواستیں کامیاب قرار دے دی گئی ہیں۔

وزیر مذہبی امور نے مزید بتایا کہ اسپانسرشپ سکیم میں موصول ہونے والی تمام درخواستیں بھی کامیاب ہو چکی ہیں۔

چوہدری سالک حسین نے دور دراز علاقوں میں حج درخواستوں کی وصولی میں مشکلات کا تذکرہ کرتے ہوئے اس عمل کو آسان بنانے کے لیے درخواستوں کی آخری تاریخ میں 7 دن کی توسیع کر دی ہے۔

اب سرکاری حج سکیم کی درخواستیں 10 دسمبر تک نامزد بینکوں میں جمع کرائی جا سکیں گی۔

وزیر مذہبی امور نے اس بات کا بھی عندیہ دیا ہے کہ وزارت مذہبی امور کو کوٹے سے زائد درخواستیں موصول ہونے کی صورت میں قرعہ اندازی کی جائے گی۔

اسی طرح اسپانسرشپ سکیم میں درخواست گزاروں کو بلا قرعہ اندازی کامیاب قرار دیا جائے گا۔

چوہدری سالک حسین نے کہا کہ سمندر پار پاکستانیوں کے لیے سپانسرشپ کی رقم 10 دسمبر تک لازمی جمع کرانے کی ہدایت کی گئی ہے۔ وزارت مذہبی امور کی ویب سائٹ پر آن لائن پورٹل کے ذریعے گھر بیٹھے بھی حج درخواستیں جمع کرائی جا سکتی ہیں۔

مزید براں، عازمینِ حج کو نئی ہدایات کے لیے پاک حج موبائل ایپ ڈاؤن لوڈ کرنے کی بھی ہدایت کی گئی ہے۔

اس اعلان کے ساتھ ہی وزیر مذہبی امور نے عازمینِ حج کے لیے کامیاب حج درخواستوں کی پروسیسنگ کا عمل مزید تیز کر دیا ہے، جس سے ملک بھر میں خوشی کی لہر دوڑ گئی ہے۔