ایک عہدیدار کے بعد دوسرے کی بھی تنزلی، مودی سرکار نے ایئر مارشل ایس پی دھارکر کو7 ماہ بعد ہی عہدے سے ہٹا دیا۔

بھارتی حکومت اپنی فوجی قیادت کو تاش کے پتوں کی طرح بکھیر رہی ہے، ایئر مارشل ایس پی دھارکر، جو رافیل طیاروں کے ایل او سی پر جارحانہ آپریشن کے نگران تھے انہیں ہٹا دیا گیاہے ۔

اب ایئر مارشل ایس پی دھارکر کی پیشہ ورانہ صلاحیتوں پر سوال اٹھائے جا رہے ہیں کیونکہ پاک فضائیہ نے رافیل طیاروں کو فوری اور مؤثر طور پر روک لیا تھا۔

مودی سرکار کو اعلیٰ بھارتی فوجی قیادت کی جانب سے  واضح انکار مل چکا، اس بار نائب فضائی سربراہ ایئر مارشل ایس پی دھارکر نے انکار کیا ہے۔

ایئر مارشل ایس پی  دھارکر سے قبل شمالی کمان کے آرمی کمانڈر کو بھی تبدیل کیا جا چکا ہے۔ نائب فضائی سربراہ نے اپنے پائلٹس کی رافیل ہینڈلنگ پر شدید عدم اطمینان کا اظہار کیا تھا۔

رافیل طیارے پاکستانی جدید ریڈارز کے سامنے بے بس

بھارتی رافیل طیارے پاکستانی جدید ریڈارز کے سامنے بے بس  ہوگئے اور وہ راستہ بھول گئے، پاکستانی ریڈارز نے لائن آف کنٹرول پر جارحانہ عزائم لئے آنے والے طیاروں کا آپریشن جام کردیا۔

طیارے ایک اور آپریشن سوئفٹ ریٹارٹ کا شکار ہو گئے۔ اب ایئر مارشل نرمدیشور تیواری کو نیا نائب فضائی سربراہ مقرر کیا گیا ہے  تاکہ بھارتی فضائیہ میں ہم آہنگی قائم رکھی جاسکے۔

بھارتی فضائیہ میں شدید بے چینی پھیل گئی

نائب فضائی سربراہ کی برطرفی نے بھارتی فضائیہ میں شدید بے چینی پیدا کر دی  ہے کیونکہ پہلگام فالس فلیگ کے بعد یہ دوسری بڑی عسکری تبدیلی ہے۔

اعلیٰ فوجی قیادت میں انتہائی عجلت سے کی جانے والی  تبدیلیوں نے  بی جے پی کے فاشسٹ ایجنڈے اور جنگی جنون کو عیاں کر دیا ہے ، یہ عمل بھارتی افواج اورحکومت کے درمیان بداعتمادی کا ثبوت ہے۔

دفاعی ماہرین آئندہ دنوں میں مزید عسکری استعفوں اور تبدیلیوں کا خدشہ ظاہر کر رہے ہیں ۔