سندھ حکومت نے کراچی کے علاقے لیاری میں عمارت گرنے کی تحقیقات کےلیے کمیٹی قائم کردی، نوٹیفکیشن بھی جاری کر دیا گیا۔

کمشنرکراچی حسن نقوی کو تحقیقاتی کمیٹی کا چیئرمین مقرر کیا گیا ہے، تحقیقاتی کمیٹی عمارت گرنےکی وجوہات جاننےکیلئے48 گھنٹوں میں رپورٹ دےگی.

مزید پڑھیں: لیاری، انتظامیہ نے مزید دو مخدوش عمارتیں خالی کرنے کا حکم جاری کر دیا

تحقیاتی کمیٹی عمارتوں کے گرنےکی وجوہات،ذمہ داروں اور مستقبل میں ایسے واقعات کی روک تھام کےلیےسفارشات پیش کرے گی۔

لیاری کے مطابق کمشنرکراچی کمیٹی کے سربراہ ہونگے، اسپیشل سیکرٹری لوکل گورنمنٹ عائشہ حمید،ڈائریکٹر کمپلینٹ ڈینجرس بلڈنگزکمیٹی ایس بی سی اےندیم احمد، ڈپٹی ڈائریکٹر سندھ بلڈنگ کنٹرول اتھارٹی اصف علی لانگا اور دیگر افسر کمیٹی ممبران ہونگے۔

 کمیٹی مخدوش عمارتوں سے لوگوں کےانخلا کا مؤثر طریقہ کار بھی تجویز کرے گی،چیف سیکرٹری سندھ کی جانب سے5رکنی تحقیقاتی کمیٹی کا نوٹیفکیشن جاری کردیاگیا ہے۔