ایشیا کپ سپر فور مرحلے کے اہم میچ میں پاکستان کی بیٹنگ جاری ہے، گرین شرٹس نے 10.5 اوورز میں 5 وکٹوں کے نقصان پر 49 رنز بنا لیے ہیں۔

ایشیا کپ سپر فور مرحلے کے اہم میچ میں بنگلا دیش نے پاکستان کے خلاف ٹاس جیت کر پہلے فیلڈنگ کا فیصلہ کیا ہے۔

ٹاس کے بعد گفتگو کرتے ہوئے بنگلا دیشی کپتان ذاکر علی کا کہنا تھا کہ لگتا ہے پہلے فیلڈنگ کرنے سے فائدہ ہو گا، ٹیم میں 3 تبدیلیاں کی گئی ہیں۔

ذاکر علی کا کہنا تھا کہ بولرز اچھا پرفارم کر رہے ہیں کوشش کریں گے بیٹنگ بھی اچھی کریں اور میچ جیت کر فائنل میں جانے کی کوشش کریں گے۔

قومی کرکٹ ٹیم کے کپتان سلمان علی آغا نے کہا کہ ہم پہلے بیٹنگ ہی کرنا چاہتے تھے، ٹیم میں کوئی تبدیلی نہیں کی گئی اور پوری توجہ میچ جیتنے پر ہے۔

سلمان علی آغا نے کہا کہ ہمارے بولرز ایشیا کپ میں بہترین پرفارم کر رہے ہیں، کوشش یہی ہو گی کہ میچ میں اپنی بہترین پرفارمنس دیں۔

واضح رہے کہ آج کے میچ کی فاتح ٹیم اتوار کو بھارت کے خلاف ایشیا کپ کا فائنل کھیلے گی۔

اسکواڈز:

پاکستان: سلمان آغا (کپتان)، ابرار احمد، فہیم اشرف، فخر زمان، حارث رؤف، حسن علی، حسن نواز، حسین طلعت، خوشدل شاہ، محمد حارث، محمد نواز، محمد وسیم، صاحبزادہ فرحان، صائم ایوب، سلمان مرزا، شاہین شاہ آفریدی، سفیان مقیم

بنگلا دیش: لٹن داس (کپتان)، جاکر علی، مہدی حسن، محمد سیف الدین، مستفیض الرحمان، نسوم احمد، نورالحسن، پرویز حسین ایمان، رشاد حسین، سیف حسن، شمیم حسین، شرف الاسلام، تنزید حسن، تنظیم حسن ثاقب، تسکین احمد، توحید ہردوائے