چین نے عالمی تجارتی تنظیم (WTO) میں مستقبل میں خصوصی رعایتیں نہ لینے اور مساوی شرائط پر مذاکرات کرنے کا اعلان کر دیا۔

چینی وزیراعظم کے مطابق چین اب ترقی یافتہ ممالک کی طرح برابری کی بنیاد پر تجارتی مذاکرات کرے گا۔

بین الاقوامی خبر ایجنسی کے مطابق یہ فیصلہ بظاہر معمولی مگر درحقیقت عالمی تجارتی نظام پر دور رس اثرات ڈالے گا۔

ڈبلیو ٹی او کے سربراہ نے چین کے فیصلے کو عالمی تجارتی اصلاحات کی سمت مثبت قدم قرار دیا۔

چین نے حال ہی میں ترقی پذیر ممالک کو 100 فیصد ڈیوٹی فری رسائی اور 53 افریقی ممالک کو زیرو ٹیرف سہولت بھی فراہم کی ہے۔

تجزیہ کاروں کے مطابق یہ اقدام چین کی بڑھتی ہوئی معاشی خوداعتمادی اور عالمی تجارتی نظام میں مضبوط کردار کی علامت ہے۔