پاکستان نے اینٹی ڈرون جیمر گن تیار کر لی ۔ یہ ٹیکنالوجی  کراچی کے ایکسپو سینٹر میں  پاک بحریہ کی پائمیک نمائش کے دوران  متعارف کرائی گئی۔

یہ گن ڈیڑھ کلومیٹر کی رینج میں آنے والے تمام کمرشل ڈرونز کو ناکارہ بناسکتی ہے۔ اس کے ذریعے  سرحد پار سے آنے والے خودکش ڈرونز کو روکا یا تباہ کیا جا سکتاہے ۔

’’سفرا ڈرون جیمنگ گن‘‘نیشنل الیکٹرونکس کمپلیکس میں تیارکی گئی ہے ۔ جس نے ’’کامی کازی‘‘ ڈرون ناکارہ کرنا شروع کر دیے۔

جیمنگ گن ڈیڑھ کلو میٹر دور سے ڈرون کو نشانہ بنا کر اسے اور اس کے ریموٹ کنٹرول کو ناکارہ کر دیتی ہے۔

اس گن  کے حوالے سے دعویٰ کیا گیا ہے کہ اس کو ملکی سرحدوں پر نصب کیا جا سکتا ہے جبکہ اس کے علاوہ شہروں میں ہونے والے بڑے ایونٹس میں بھی اسے استعمال کیا جا سکتاہے۔

گن تھرٹی ڈگری کے اینگل پر ڈیڑھ کلو میٹر کی رینج میں کام کرتی ہے۔ ضرورت کے مطابق اس کے اینگل تبدیل بھی کیے جاسکتے ہیں۔