انسان کی زندگی میں ہر رشتہ اپنی جگہ خاص اہمیت کا حامل ہے لیکن قدرت کی طرف ہمیں ایک ایسے رشتے سے نوازا گیا ہے جس میں ہمیں زندگی ملا کرتی ہے اور وہ ہے دوستی کا رشتہ۔

بہترین دوست بھی نعمت خداوندی ہیں۔ اچھے دوست مل جائیں تو ہر دکھ سکھ کے ساتھی بن جاتے ہیں۔

دوستی کی اہمیت کو ہی اجاگر کرنے کیلئے پاکستان سمیت دنیا بھر میں آج دوستی کا دن منایا جارہا ہے۔

اس دن کو منانے کا مقصد یہ پیغام دینا ہے کہ دوستی  فروغ امن کی نشانی ہے۔

 اس دن کو منانے کا مقصد بھائی چارگی، باہمی انتشار کو دور، رشتوں کی مضبوطی اور دوسرے ملکوں ، قوموں اور دوسرے معاشروں کے درمیان تعلقات کو پروان چڑھانا ہے۔

 2011 میں اقوام متحدہ کی جنرل اسمبلی نے دوستی کے عالمی دن ہرسال 30 جولائی کو منانے کا فیصلہ کیا۔

 انسان چونکہ سماجی جانور ہیں، اس لیے اسکی فطرت میں ہے کہ وہ اپنے اردگرد کے لوگوں سے ملے اپنے خیالات اظہار کرے۔

انسانی دوستی کا مطلب ہم دوسرے انسانوں کے لیے وہی سب چاہیں جو اپنے لیے چاہتے ہیں۔

 جس طرح اپنی ذات کیلئے انسان آرام ، عزت ، آزادی ، پیار وغیرہ چاہتا ہے ایسا ہی دوسرے انسانوں کے لیے چاہے اور دوسروں کے حقوق کا حترام کرے۔