موسمیاتی تغیراتی تبدیلیوں کے حوالے سے ہونے والی تحقیق کے مطابق  ماحولیاتی تبدیلی کے اثرات زمین کے ساتھ سمندر پر بھی مرتب ہورہے ہیں۔

برطانوی خبررساں ادارے کی رپورٹ کے مطابق دنیا بھر میں درجہ حرارت بڑھنے اور موسمیاتی تبدیلیوں کی وجہ سے سمندر کی سطح میں تیزی سے آکسیجن کی کمی ہورہی ہے۔

تحقیق کے مطابق اب تک چالیس ہزار سے زائد ایسے سمندروں کی نشاندہی ہوچکی  ہے  جن میں آکسیجن تیزی سے کم ہورہی ہے۔

 ماہرین  نے خبردار کرتے  ہوتے ہوئے بتایا  کہ سمندر میں     آکسیجن کی کمی بڑی مچھلیوں کے لیے خطرہ ہیں۔

ماہرین کا مزید کہنا ہے کہ صنعتوں کا کیمیکل زدہ پانی میں فاسفورس اورنائیٹروجن کی بڑی مقدار شامل ہوتی ہےاوریہ پانی  صنعتوں سے سمندرمیں گرتاہےجس وجہ سے یہ پانی سمندری ماحولیات کوتباہ کررہا ہے۔

تحقیق میں یہ بات بھی سامنے آئی ہےکہ فضا میں تیزی سے بڑھتی ہوئی کاربن ڈائی آکسائیڈ بھی سمندر کو نقصان پہنچا رہی ہے جس کی وجہ سے سمندری پانی اپنے اندر زیادہ درجہ حرارت کو جذب کررہا ہے۔

ماہرین نے انکشاف کیا کہ آکسیجن کی کمی سے آبی حیات کو خطرہ ہے اور امکان ہے کہ چالیس فیصد سمندری مخلوق اس وجہ سے مردار ہوجائے گی۔

محققین کا کہنا ہے کہ اگر یہی صورتحال رہی تو دو سال بعد دنیا بھر کے سمندروں میں تین سے چار فیصد آکسیجن باقی بچے گی جبکہ بڑی مچھلیوں کا سطح آب کے قریب آنا بھی اسی بات کی واضح علامت ہے۔