وزیر اعلٰی پنجاب عثمان بزدار نے مو جو دہ سیا سی صورتحال کے با رے میں تبصرہ کر تے ہوئے کہا ہے کہ بدقسمتی سے سابق ادوار میں ملک کو بے دردی سے لوٹا گیا۔

وزیر اعلی پنجاب کا کہنا تھا کہ مسترد شدہ سیاستدانوں کوذہن نشین کرلیناچاہیےکہ پاکستان بدل چکا ہے، تحریک انصاف کی حکومت نے پہلی بار ملک کے طاقتور طبقے پر ہاتھ ڈالا ہے، سیاست کو کرپشن سے آلودہ کرنے والوں کا کوئی مستقبل نہیں۔

ان کا مزید کہنا تھا کہ نئے پاکستا ن میں کرپٹ عناصر کی کوئی گنجائش نہیں، سابق حکمران آج وہی کاٹ رہے ہیں جو انھوں نے اپنے دور میں بویا تھا، ذاتی تجوریاں بھری گئیں اورعوام کے مسائل کو یکسر نظرانداز کیا گیا۔