اسلام آباد: متحدہ اپوزیشن کی جا نب سے چیئرمین سینیٹ صا دق سنجرانی کےخلاف عدم اعتماد کی قرارداد جمع کرادی  گئی ہے،جس پر 38سینٹرز نے دستخط کیے ہیں۔

سینیٹ میں اپوزیشن جماعتوں کامشترکہ اجلاس آج گیارہ بجے شروع ہوا، جس کی صدارت سینیٹ میں قائدحزب اختلاف راجہ ظفرالحق نے کی۔

اجلاس میں  40 سے زائد  اراکین  موجود تھے جن میں ن لیگ کے  16 ، پیپلز پارٹی کے 11 ، نیشنل پارٹی کے 4 ،جے یو آئی ف کے 3 اور اے این پی کا ایک رکن شریک ہوا۔

دوسری طرف چیئرمین سینیٹ صادق سنجرانی بھی متحرک ہوگئے ہیں، انھوں نے بلوچستان عوامی پارٹی کے جنرل سیکرٹری سنیٹر منظور کاکڑ، سنیٹر احمد خان ، سنیٹر مرزا آفریدی کو رابطوں سے متعلق اہم ٹاسک بھی سونپ دیاہے۔

واضح رہے کہ رہبر کمیٹی کا اگلا اجلاس 11 جولائی کو ہوگا اور اسی روز نئے چئیرمین سینیٹ کے لیے نام کا اعلان بھی کیا جائے گا۔