اے این پی سربراہ اسفند یارولی خان نے کہا کہ عمران خان کےآنے سےسیاست سے شائستگی ختم ہو گئی ہے۔

تفصیلات کے مطابق پشاورمیں اپوزیشن جماعتوں کے جلسے سے عوامی نیشنل پارٹی کے سربراہ اسفندیار ولی خان نے خطاب کرتے ہوئے کہا کہ ہمیں کوئی جیلوں سےنہ ڈرائے،آج ہم سلیکٹڈ حکومت کےخلاف یوم سیاہ منارہےہیں۔

اے این پی سربراہ کا کہناتھا کہ رانا ثنا اللہ تو خوش قسمت تھا کہ اس سےمنشیات برآمد ہوئیں، پتہ نہیں یہ مجھ سےاورمولانا فضل الرحمان سے کیا برآمد کرالیں۔

جلسےمیں اسفند یارولی کا یہ بھی کہنا تھا کہ میں مانتا ہوں کہ موجودہ حکومت کے آنے سے تبدیلی آئی ہے تبدیلی یہ ہے کہ آج مہنگائی کے ہاتھوں جینا مشکل ہوچکا ہے۔

اسفند یارولی نےکہا کہ میں قرآن پر ہاتھ رکھ کر کہتا ہوں کہ ملنے والے ورثے کے علاوہ میرے پاس دیگراثاثے نہیں ہیں اور اگرعمران خان بھوکامررہا ہےتوآدھےاثاثےاسےدینےکوتیارہوں۔

عوامی نیشنل پارٹی کے سربراہ اسفند یارولی عمران خان کو للکارتے ہوئے کہا کہ اگرمیری وراثت کےعلاوہ اثاثے ثابت ہو گئے تووہ مجھے پھانسی دے دیں۔