وزیر اعظم  کی معاون خصوصی  برائے اطلاعات فردوس عاشق اعوان کا کہنا ہے کہ شاہد خاقان عباسی کہتے تھے کہ ان کو گرفتار کیوں نہیں کیا جاتا ہے، آج ان کی یہ  خواہش پوری ہوگئی ہے۔

فردوس عاشق اعوان نے اسلام آباس میں پریس کانفرنس کرتے ہوئےکہا کہ عمران خان کا قصور یہ ہے کہ وہ ملک میں قانون کی عملداری چاہتے ہیں اور جب قانون کی عملداری رنگ پکڑتی ہے تواپوزیشن کے رنگ زرد پڑ جاتے ہیں۔

قانون کی پاسداری پر فردوس عاشق اعوان نے کہا کہ ملک میں عدالتیں اور ادارے آزاد ہیں، بےگناہی کےثبوت دینےکا فورم عدالتیں ہیں وہاں بےگناہی کےثبوت دینےچاہیئں ،میڈیا پر بات چیت سے بے گناہی ثابت نہیں ہوتی ہے۔