پاکستان مسلم لیگ ن کے صدر اور سابق وزیراعلیٰ پنجاب شہباز شریف کیخلاف برطانیہ میں تفتیش شروع ہوگئی ہے اور ان پر زلزلہ متاثرین کی امداد میں خرد برد کا الزام ہے۔

برطانوی اخبار   نےالزام عائد کر تے ہو ئے کہا کہ سابق وزیر اعلیٰ  پنجاب نے زلزلہ متاثرین کی امداد میں  لاکھوں پاؤنڈز کی خردبرد کی ہے،کچھ رقم ایف آئی ڈی فنڈ سے چرائی گئی۔

تفصیلات کے مطا بق برطانیہ نے 2005 کے زلزلہ متاثرین کے لیے پنجاب حکومت کے اکاونٹ میں 50 کروڑ پاونڈز جمع کرائے تھے لیکن شہباز شریف نے اس میں لاکھوں پاونڈز کی کرپشن کی۔

برطانوی تفتیش کاروں کے مطابق جب 2005 میں پاکستان کو شدید مشکلات کا سامنا تھا تو اس وقت شہبازشریف کے داماد کو بھی 10 لاکھ پاونڈز متاثرین کی امداد کی مد میں دیے گئے تھے۔

مسلم لیگ ن کے موجودہ صدر نے برطانیہ کے بین الاقوامی ترقیاتی فنڈ کے محکمے(آئی ڈی ایف ڈی) سے بھی کچھ رقم  چرائی ہے۔

برطانوی اخبار کے مطابق 2003میں شریف خاندان کے اثاثے ڈیڑھ لاکھ پاونڈز تھے اور 2018 میں 20 کروڑ پاونڈ تک پہنچ گئے۔
تحقیقات کے مطابق شریف خاندان کی دولت میں کئی بار اضافہ دیکھنے میں آیا لیکن اضافے کا واضح جواز پیش نہیں کیا جاسکا۔