بول نیوزکےاینکرپرسن مریدعباس کے بہیمانہ قتل پرشہر کی فضا سوگوار ہے۔ صحافتی تنظیمیوں سمیت سیاسی رہنماوں کی جانب سے بھی قتل کی بھرپور مذمت کی گئی۔

بول نیوز کےچئیرمین اور سی ای او شعیب شیخ کی جانب سے بھی بول فیملی ممبرمرید عباس کی شہادت پر گہرے رنج و غم کا اظہار کیاگیا۔

سماجی رابطے کی ویب سائٹ ٹویٹر پراظہار تعزیت کرتے ہوئے چئیرمین و سی ای او شعیب شیخ کاکہناتھا کہ” نوجوان اینکر مرید عباس کی اچانک موت بول فیملی کیلئےکبھی نہ پورا ہونےوالا نقصان ہے،بول فیملی کی جانب سےشہید کے اہلخانہ سے گہری ہمدردی کا اظہارکرتا ہوں۔ ہمارے دل اور ہماری تمام حمایت ہمیشہ مرحوم کے خاندان کے ساتھ رہے گی”۔

مرید عباس کو گزشتہ روز ڈیفنس کے علاقےمیں فائرنگ کرکے شہید کردیا گیا تھا۔