وزیراطلاعات پنجاب صمصام بخاری نے کہا ہے کہ شہبازشریف نے زلزلہ زدگان کی امدادی رقم کوبھی نہیں بخشا، خادم اعلیٰ کہلوانے والے کا اصل چہرہ سامنے آنا شروع ہوگیا ہے، درست کہتے ہیں “بڑے میاں تو بڑے میاں چھوٹے میاں سبحان اللہ “

وزیراطلاعات پنجاب نے کہا کہ وزیراعظم عمران خان کا لٹیروں کے بارے میں موقف درست ثابت ہوا، سارا شریف خاندان منی لانڈرنگ میں مکمل طور پر ملوث ہے،پنجاب کو مقروض کرنیوالوں نے دل کھول کر کرپشن کی اسی لیے شہباز صاحب کے بیٹے اور داماد لندن میں بیٹھے ہیں۔

ان کا مزیدکہنا ہےکہ اب عوام نواز لیگ پر کسی قسم کا بھروسہ نہیں کریں گے، سابق پنجاب حکومت نے برطانوی امداد میں خورد برد کی، ثابت ہوا شہبازشریف منی لانڈرنگ کے اصل ’’ماسٹر مائنڈ‘‘ ہیں ،اب وقت آگیا ہے کہ شریف خاندان برطانوی میڈیاکے سوالوں کا جواب دے۔