پاکستان کے وزیر خارجہ شاہ محمود قریشی دو روزہ دورے پر برطانیہ پہنچ گئے ہیں۔

برطانیہ کے ہیتھرو ائر پورٹ پر برطانیہ میں پاکستان کے سفیر نفیس ذکریا اور سفارتخانے کے اعلیٰ حکام نے وزیر خارجہ کا استقبال کیا۔ وزیر خارجہ مخدوم شاہ محمود قریشی، برطانیہ میں دولت مشترکہ کے 19 ویں سالانہ اجلاس میں پاکستان کی نمائندگی کریں گے۔

وزیر خارجہ برطانیہ میں آزادی اظہار رائے کے حوالے سے منعقدہ ایک بین الاقوامی کانفرنس میں بھی پاکستان کی نمائندگی کریں گے جبکہ پاکستانی کمیونٹی کی طرف سے منعقدہ پروگرام میں شریک ہوں گے۔ اس کے علاوہ وہ برطانیہ میں مقامی و بین الاقوامی میڈیا سے بھی گفتگو کریں گے اور مختلف امور پر پاکستان کا نقطہ نظر پیش کریں گے۔