وزیر اعظم کی معاون خصوصی برائے اطلاعات و نشریات فردوس عاشق اعوان کا کہنا ہے کہ عدالتی فیصلوں میں حکومت کا کوئی عمل دخل نہیں ہے۔

اسلام آباد میں میڈیا سے گفتگو کرتے ہوئے فردوس عاشق اعوان کا کہنا تھا کہ اگر احتساب عدالت کے جج ارشد ملک کی ویڈیو ہے تو جسٹس قیوم کی ویڈیو بھی آپ کے سامنے موجود ہے۔

فردوس عاشق اعوان کا مریم نواز کو جواب دیتے ہوئے کہنا تھا کہ جب ویڈیو کا فرانزک ٹیسٹ کروایا جائیگا کہ ویڈیو اصل ہے یا نہیں۔  حقائق کیا ہیں سامنے آجائےگے ۔

پی ٹی آئی کی رہنما کا کہنا تھا کہ اگر ویڈیو اصل ہے تو اسے عدالت میں پیش کیوں نہیں کیا گیا، عوام کو گمراہ کیوں کیا جارہا ہے۔

فردوس عاشق اعوان ک کہنا تھا کہ 35 سال سے اقتدار میں رہنے والے خاندان کے بچے مقدمات میں مفرور ہیں جبکہ مریم نواز کا ڈرائیور ناصر بٹ ایک کرمنل ہے۔