راولپنڈی میں میڈیا سے گفتگو کرتے ہوئے وزیر ریلوے شیخ رشید نے کہا ہے کہ اللہ کی طرف سے  یہ لوگ پکڑ میں آچکے ہیں، نوے دنوں میں بڑے بڑے لوگ اپنے انجام کو پہنچیں گے۔

شیخ رشید نے کہا کہ سابق وزیراعلیٰ پنجاب شہباز شریف کی پوری کوشش ہے کہ ان کی اور ان کے بیٹے حمزہ شہباز کی بچت ہو جائے تاہم وزیراعظم عمران خان نے دو ٹوک الفاظ میں جواب دے دیا ہے۔

وزیر ریلوے نے کہا کہ ن لیگ والے ویڈیو ویڈیو کھیل رہے ہیں اور مریم نواز نے پارٹی کو مار دیا ہے۔

ا ن کا مزید کہنا ہے کہ ہم نے نئی ٹرین چلائی اس پر فخر ہے، جب ضمیر پر بوجھ پڑا تو استعفیٰ دے دوں گا لیکن ابھی ایسا کچھ نہیں ہے۔