پنجاب اسمبلی میں مسلم لیگ (ن)کی جانب سے مشیرخزانہ عبد الحفیظ شیخ اورچیئرمین ایف بی آرشبرزیدی کےاستعفیٰ کے مطالبے کی قرارداد جمع کروادی گئی۔

تفصیلات کے مطابق مشیرخزانہ عبدالحفیظ شیخ اورچیئرمین ایف بی آرکیخلاف قرارداد مسلم لیگ (ن) کی ایم پی اے حنا پرویز بٹ کی جانب سے پنجاب اسمبلی میں جمع کروائی گئی۔

قرارداد کے متن میں کہاگیا کہ گندم پرسیلز ٹیکس لگانےگھی، کوکنگ آئل اور چینی سمیت31سے زائد اشیاء کی قیمتوں میں اضافہ قابل مذمت ہے،حکومت کی ناکام معاشی پالیسوں کی شدیدالفاظ میں مذمت کرتے ہیں۔

قرارداد میں موقف اپنایا گیا کہ لاہورسمیت پورے ملک میں تاجروں کی کامیاب ہڑتال حکومت کے خلاف ریفرنڈم ہے،حکومت کی ناکام پالیسوں کی وجہ سے ملک میں مہنگائی اور بے روزگاری کا سیلاب آچکا ہے۔

 قرارداد میں مطالبہ کیا گیا کہ مشیرخزانہ عبدالحفیظ شیخ اورچیئرمین ایف بی آرشبرزیدی فوری اپنےعہدے سےاستعفیٰ دیں اورکسی اہل شخص کوملک میں خزانہ اورایف بی آرکی ذمہ داری دی جائے۔