پاکستان مسلم لیگ (ن) کی ترجمان مریم اورنگزیب نے اپنے ایک بیا ن میں کہا ہے کہ عمران صاحب اپوزیشن کی زبان بند کر کے اور اظہارِ رائے پر بد ترین پاپندی لگا کر سیلیکٹڈ حکومت نہیں چلائی جا سکتی۔

پاکستان مسلم لیگ (ن) کی ترجمان کا کہنا ہے کہ عمران صاحب مخالف آواز بند کر کے حکومت چلائی جا سکتی تو پاکستان میں 1958 سے 2019 تک آمر کی ہی حکومت ہوتی، ‎عمران صاحب میڈیا اور اپوزیشن کا گلا گھونٹ کر حکومت کی جا سکتی تو مشرف 2008 میں گھر نہ جاتا، ‎عمران صاحب اپنی آمرانہ اور فسطائی سوچ مسلط کر کے جمہوریت کی تضحیک نہ کریں۔

مریم اورنگزیب کا کہنا ہے کہ ‎عمران صاحب ہرمخالف آواز بند کر کے آمر ملک نہیں چلا سکا آپ کیسے حکومت چلائیں گے؟ عمران صاحب میڈیا پہ مسلط ہو کر ، قبضہ کر کے اور اپنی مرضی کی کوریج کروا کر غیر ملکی دورے کامیاب نہیں کرائے جا سکتے،عمران صاحب امریکہ میں میڈیا کی آزادی کے صحافی کے سوال میں کہتے کہ ہاں میں نے اپوزیشن کو نہ دکھانے کا حکم دیا ہے, کہیں تو سچ بولیں۔