چئیرمین سینیٹ کی تبدیلی کےلیےاپوزیشن کی رہبرکمیٹی کےاجلاس کےدوران ارکان نےمیرحاصل بزنجوکےنام پراتفاق کرلیا۔

تفصیلات کےمطابق اپوزیشن کی رہبرکمیٹی کےاجلاس کےدوران رہنماوں نےچئیرمین سینیٹ کے نام اور دیگرامورپربات چیت کی۔ ارکان اپوزیشن نےچائےکی میزپرمختلف نکات پرمشاورت بھی کی۔

ذرائع کاکہناہےکہ اجلاس میں چئیرمین سینیٹ کےلیےمیرحاصل بزنجو کے نام پراتفاق کرلیاگیا۔

رہبرکمیٹی اجلاس کی سربراہی کنوینئر اکرم خان درانی نے کی جو اسلام آباد کے نجی ہوٹل میں منعقدکیاگیا۔اجلاس میں سابق وزیراعظم شاہد خاقان عباسی، احسن اقبال، نئیر بخاری، سینیٹر طاہر بزنجو، شفیق پسروری، طاہر برنجو، ہاشمی بابر، عثمان کاکڑ، میاں افتخاراوراویس نورانی موجود تھے۔

ذرائع کاکہنا ہے کہ اجلاس میں باہمی مشاورت کے بعد چئیرمین سینیٹ کے لئے متفقہ امیدوارکے طور پرمیرحاصل بزنجوکا نام سامنے آیا ۔اس کے علاوہ رہبر کمیٹی اجلاس میں 25 جولائی کو یوم سیاہ کے لئے کوارڈینیشن کمیٹی کی تشکیل پر بھی مشاورت کی گئی۔