خیبرپختونخواکےضلع چترال میں سیلاب سےمتاثرہ سیکڑوں افراد کومحفوظ مقامات پرمنتقل کرنےکیلیے آپریشن جاری ہے۔ چترال کی وادی گولین میں 45سیلاب متاثرین کوبحفاظت نکال لیا گیا۔

تفصیلات کےمطابق پاک فوج اورریسکیواہلکارامدادی سرگرمیوں میں مصروف ہیں۔ ازغور اور برموغ کےعلاقوں میں  آپریشن مزید تیزکردیا گیا اورہیلی کاپٹرکےذریعےکھانےپینےکی اشیاء،دوائیں اوردیگرسامان کومتاثرین تک پہنچایا گیا ۔

ڈپٹی کمشنرلوئرچترال خورشیدعالم کےمطابق گولین میں گلیشیئرپگھلنےسےچترال کے تین گاؤں شدیدمتاثرہوئےاورریسکیواہلکار کئی گھنٹوں کی مسافت کےبعد حادثے کی جگہ پر پہنچے ۔ ریسکیو اہلکاروں نے عارضی پل بنا کر گاؤں میں محصورہونے والے افراد کو دریا بھی پارکروایا۔

اہلکاروں کی جانب سے حادثے کے مقام پر ابتدائی طبی امداد کے لیے کیمپ بھی قائم  کیاگیا ہے ۔

نیشنل ڈیزاسٹرمنیجمنٹ اتھارٹی (این ڈی ایم اے) کے ترجمان کا کہناہے کہ متاثرہ علاقوں سے زمینی رابطہ بحال ہونے میں مزید دو روز لگ سکتے ہیں ۔