سینیٹر سراج الحق نے کہا کہ وزیر اعظم نے اپنے اہم ترین سرکاری دورے کو لوکل سیاست کی نظر کردیا ہے۔

لاہور میں امیر جماعت اسلامی سینیٹر سراج الحق کا وزیر اعظم کے دورہ امریکہ پر کہنا تھا کہ امریکہ میں ہونے والا خطاب کسی وزیر اعظم یا اسلامی راہنما کا نہیں بلکہ اپنی پارٹی کے چیئرمین کا تھا۔

انکا مزید کہنا تھا کہ وزیر اعظم کوٹرمپ سے مرعوب ہونے کی بجائے کھل کرپاکستان کا مقدمہ لڑنا چاہیئے جبکہ افغانستان سے امریکی فوجوں کا انخلاء اور وہاں افغان عوام کی مرضی کے نظام کا قیام ضروری ہے۔

سراج الحق نے قبائلی علاقوں میں منعقد الیکشن کے متعلق کہا کہ انتخابات کے بعد خیبر پختونخواہ کے قبائلی اضلاع باقاعدہ قومی دھارے میں شامل ہوگئے ہیں، ان علاقوں میں 70 سال کا ازالہ ہونا چاہئیے۔

انہوں نے کہا کہ ان علاقوں کو این ایف سی ایوارڈ سے تین فیصدفنڈز اور سی پیک میں حصہ ملنا چاہئے۔