وزیر اعظم عمران امریکی صدر ڈونلڈ ٹرمپ کی دعوت پر تین روزہ دورے پر امریکا پہنچ گئے،آرمی چیف جنرل قمرجاوید باجوہ اور دیگرعہدیداران بھی ان کے ہمراہ ہیں، ایئر پورٹ پر ان کا شاندار استقبال کیا گیا۔

تفصیلات کے مطابق وزیر اعظم عمران خان امریکا کے تین روزہ سرکاری دورے پر واشنگٹن پہنچ گئے، وہ پیر کو امریکی صدر ڈونلڈ ٹرمپ سے ملاقات کریں گے۔

اطلاعات کے مطابق وزیراعظم ورلڈ بینک کے وفد، پاکستانی کمیونٹی، واشنگٹن میں تاجروں کے وفود،امریکی کمپنیوں کے سربراہان،آئی ایم ایف کے قائم مقام ایم ڈی سے بھی ملاقات کریں گے ۔

قبل ازیں ایئر پورٹ پر وزیراعظم کا پرتپاک استقبال کیا گیا،پھولوں کی پتیاں نچھاور کی گئیں،امریکہ میں مقیم پاکستانیوں کی بڑی تعداد ان کی ایک جھلک دیکھنے کیلئے موجود تھی۔