وزیر خارجہ مخدوم شاہ محمود قریشی اور اقوام متحدہ کے سیکریٹری جنرل انتونیو گوئتریس کے درمیان رابطہ طے پا گیا ہے ۔ 

تفصیلات کے مطا بق شاہ محمود قریشی اور اقوام متحدہ کے سیکریٹری جنرل کے درمیان رابطہ آج ہوگا۔

شاہ محمود قریشی سیکریٹری جنرل اقوام متحدہ انتونیو گوٹریس کو مقبوضہ کشمیر کی صورتحال ، مقبوضہ وادی میں انسانی حقوق کی پامالیوں، امن کی مخدوش صورتحال سے آگاہ کریں گے۔

 اقوامِ متحدہ کے سیکرٹری جنرل ان دنوں فرانس کے دورے پر ہیں۔ 

واضح رہے کہ پانچ اگست کو مودی سرکار نے کشمیر کو خصوصی حیثیت دینے والے بھارتی آئین کے آرٹیکل 370 اے کو ختم کردیا تھا۔

مقبوضہ کشمیر میں آج مسلسل 20ویں روز بھی کرفیو برقرار ہے اور مواصلات کا نظام مکمل پر معطل ہے، قابض انتظامیہ نے ٹیلی فون سروس بند کررکھی ہے جبکہ ذرائع ابلاغ پرسخت پابندیاں عائد ہیں،مواصلاتی نظام کی معطلی، مسلسل کرفیو اور سخت پابندیوں کے باعث لوگوں کو بچوں کے لیے دودھ، زندگی بچانے والی ادویات اور دیگر اشیائے ضروریہ کی شدید قلت کا سامنا ہے۔