پاکستان پیپلزپارٹی کی نائب صدر سینیٹرشیری رحمان نے کہا ہے کہ آصف زرداری کو فوری جیل سے اسپتال منتقل کیا جائے۔

تفصیلات کے مطابق پاکستان پیپلزپارٹی کی نائب صدر سینیٹر شیری رحماننے میڈیا سے گفتگو کرتے ہوئے کاہ کہ آصف زرداری کو وہیل چیئر پر اسپتال سے چوری چھپے جیل منتقل کیا گیا ہے۔

پاکستان پیپلزپارٹی کی نائب صدر نے سابق صدرآصف زرداری کو فی الفورجیل سے اسپتال منتقل کرنے کا مطالبہ کردیا۔

شیری رحمان نے کہا کہ نیب کے میڈیکل بورڈ نے خود آصف زرداری کی صحت کو قابل تشویش قرار دیا ہے۔

پاکستان پیپلزپارٹی کی نائب صدر سینیٹر شیری رحمان نے مزید کہا کہ آصف زرداری کے دل کی شریانیں بند ہیں،میڈیکل رپورٹس بھی نہیں دی گئیں اور نہ ہی کوئی بنیادی سہولیات نہیں دی جارہیں۔

واضح رہے اس سے قبل پمز اسپتال کے سینئر ڈاکٹروں پر مشتمل ٹیم نے وزارتِ داخلہ کی درخواست پر پیپلز پارٹی کے شریک چیئرمین کا اڈیالہ جیل میں ابتدائی طبی معائنہ کیا تھا جس کے بعد انہیں فوری طور پر اسپتال منتقل کرنے کا فیصلہ کیا گیا، جس کے بعد چیئرمین پیپلزپارٹی کوگزشتہ روزجیل سے کارڈیک سینٹر  ٹیسٹ کے لیئے شفٹ کیا گیا تھا، لیکن ایک روز بعد ہی سابق صدرآصف زرداری کو پمزاسپتال سے ڈسچارج کرکے اڈیالہ جیل منتقل کردیا گیا تھا ۔

سابق صدرکی آصف زرداری کی صاحبزادی آصفہ بھٹو کا کہنا تھا کہ مجھے والد صاحب سے  ملنے نہیں دیا گیا،نہ ہی میڈیکل رپورٹس دکھائی گئیں، ڈاکٹرزکی رپورٹ کےمطابق4سینئرڈاکٹرز نےمعائنہ کے بعد زرداری صاحب کوفزیوتھراپی کا مشورہ دیا،انھوں نے کہا کے ڈاکٹرز کا کہنا ہے کہ آصف زرداری  کے دل کی 3 شریانیں بند ہیں،انہیں اسپتال میں رہنا چاہیے۔

آصفہ بھٹو نے مطالبہ کیا تھا کہ زرداری صاحب کو واپس اسپتال لے جایا جائے اور مناسب علاج کیا جائے،اگراُنہیں کچھ ہوا تو حکومت ذمہ دار ہوگی۔