وزیراعلیٰ سندھ مراد علی شاہ نے کہا ہے کہ کراچی میں کچرے پرسیاست شروع ہوگئی ہے ۔

وزیراعلیٰ سندھ مراد علی شاہ نے ٹھٹھہ میں میڈیا سے با ت چیت کر تے ہو ئے کہا کہ پی ٹی آئی والوں نے کچرا نالوں سے اٹھایا اور وہ سڑکوں کے قریب ہی پڑھا ہوا ہے، اس وجہ سے شہر میں مکھیاں بڑھ گئیں ہیں۔

مراد علی شاہ نے کہا کہ ایم کیوایم اور پی ایس پی کراچی کے کچرے پر لڑرہی ہیں، کچرے پر ایک سیاست شروع ہوگئی ہے جس میں پی ٹی آئی بھی شامل ہے۔

وزیراعلیٰ سندھ کاکہنا تھا کہ سڑک کنارے کچرے سے شہر میں مکھیاں بڑھ گئی ہیں، کے ایم سی کو فیومیگیشن کا کہا ہے۔

وزیراعلیٰ سندھ نے کشمیر کی مو جو دہ صورتحال پر با ت کرتے ہو ئے کہا کہ کشمیر میں ہندستانی جارحیت کی سخت الفاظ میں مذمت کرتا ہوں ،اس مسئلے پر عالمی مدد لینی تھی لیکن وہ حاصل نہیں ہو سکی۔

مر اد علی شاہ نے مزید کہا کہ آصف علی زرداری صاحب کی طبیعت جیل میں ٹھیک نہیں ہے،انھیں فوری طور پرطبی علاج کےلئے اسپتال منتقل کرانا چاہیئے۔