قومی اسمبلی کے مرکزی ہال میں 40 فٹ چوڑا پرچم آویزاں کردیا گیاہے۔
60ہزار غباروں پر مشتمل یہ پرچم قومی اسمبلی میں یوم آزادی کے مناسبت سے سے آویزاں کیا گیاہے ۔
یہ دنیا کی پارلیمانی تاریخ میں پہلا موقع ہے کہ اسمبلی کے اندر دنیا کا سب سے بڑا قومی پرچم نصب کیا گیا ہے۔
پرچم کی تیاریوں کے بعد اس کا اندراج گنیز بک آف ورلڈ ریکارڈ میں بھی کرایا جائے گا۔
اسمبلی کا عملہ تین روز سے پرچم کی تیاری میں مصروف تھا۔

اس پرچم سے پریس گیلری اور وزیٹر گیلری کو کور کیا گیاہے۔
اس خصوصی قومی پرچم پر بیس لاکھ روپے کے اخراجات آئے ہیں جوسندھ سے ہندو رکن قومی اسمبلی رمیش کمار نے ہندو کونسل کی طرف سے ادا کیے ہیں۔
یاد رہے کہ ملک بھر میں یوم آزادی خوب جوش و خروش اور ولولے کے ساتھ منانے کی بھرپور تیاریاں کی جارہی ہیں۔
ملک بھر میں جگہ جگہ قومی پرچموں کی بہار ہے۔ بیجز، شرٹس اور جھنڈیوں کے اسٹالز پر رش لگا ہوا ہے۔
بچے تو بچے بلکہ بڑے بھی یوم آزادی کو جوش و جذبے کے ساتھ منانے کیلئے تیاریوں میں بھرپور حصہ لے رہے ہیں۔