بھارت کی جانب سے چھوڑے گئے پانی کی وجہ سے دریا ئے ستلج بھپر گیا ہے۔

تفصیلات  کے مطابق سرحدی قوانین کی خلاف ورزی کے بعد بھارت نےآبی جارحیت شروع کردی۔ بھارت کی جانب سے چھوڑے گئے پانی کی وجہ سے دریا ئے ستلج بھپر گیا ہے۔

 آج ایک لاکھ چالیس ہزارکیوسک  کا سیلابی ریلہ گنڈا سنگھ والاسے گزرےگا۔

حکام کے مطابق  صوبہ پنجاب کے شہر قصورکےاٹھارہ سرحدی گاؤ ں متاثرہوئے ہیں۔جبکہ مقامی آبادی کو محفوظ مقامات پر منتقل کیا جارہا ہے۔

دریائے راوی میں 9 ہزار کیوسک کمی کے ساتھ پانی کی سطح 29 ہزار 200 کیوسک پر آ گئی ہے۔

ادھر راجن پور میں رود کوہی سیلابی ریلوں نے تباہی مچادی جس کی وجہ سے اب تک 29 ہزار سے زائد ایکڑ رقبہ زیر آب آگیا ہے۔

حالیہ سیلاب سے 5 ہزار سے زائد  ایکٹر پر پھیلی فصلوں کا نقصان پہنچا۔درجنوں مکانانت پانی کی نذر ہوگئے جبکہ 800 سےز ائد افراد متاثر ہوئے۔

واضح رہے کہ دو روز قبل نے بھارت نے دریاؤں میں بغیر اطلاع سیلابی پانی چھوڑ دیا تھا۔

خود بھارتی علاقے میں دریائے ستلج کے اطراف 61دیہات خالی کروالئے گئے اور لوگوں کو محفوظ مقامات پر منتقل کیاگیا۔

بھارت نے لداخ ڈیم کے 5 میں سے 3 اسپل ویز کھول دئیے تھے۔

مظفرآباد آزاد کشمیر میں بھی اس سلسلے میں الرٹ ہے۔