دفترخارجہ کےترجمان ڈاکٹرمحمدفیصل نےکہاہےکہ گزشتہ روزوزیرخارجہ نے اسلامک کونسل کے سیکریٹری کوخط لکھاتھاجس میں انہیں مقبوضہ کشمیرکی تازہ ترین صورتحال سےآگاہ کیا۔

ترجمان دفتر خارجہ ڈاکٹر فیصل نے کہا کہ وزیرخارجہ نے برطانوی پارلیمنٹ کے وفدکوبھی خط لکھ کرکشمیرکی سنگین صورتحال سےآگاہ کیا۔

ترجمان کاکہناہےکہ وزارت خارجہ نےاپنی ویب سائٹ پرکشمیرسےمتعلق ایک لنک کااضافہ کیاہے،وزارت خارجہ کشمیرسے متعلق ڈیٹااپنی ویب سائٹ پرجاری کرررہاہے۔

ترجمان دفترخارجہ کا کہناتھاکہ بھارت جموں کشمیرمیں مسلسل انسانی حقوق کی خلاف ورزی کررہاہے۔ مقبوضہ وادی میں کرفیوکےباعث کشمیریوں کی زندگیاں خطرے میں ہیں۔

 ترجمان کے مطابق بھارتی ڈپٹی ہائی کمشنرکوگزشتہ روزطلب کیاتھا۔ جس میں بھارت کی جانب سےایل او سی کی خلاف ورزی اور شہریوں کی شہادت پر احتجاجی مراسلہ دیاتھا۔

ترجمان کا کہناتھا کہ بین الاقوامی برادری کوکشمیر کی ابتر صورتحال کانوٹس لیناچاہیئے،پاکستان سلامتی کونسل کی قرادادوں کے مطابق مسئلہ کشمیر کاحل چاہتا ہے۔ مسئلہ کشمیر کے حل کیلئے ہماری جدوجہد جاری ہے اوررہےگی۔

دفترخارجہ کے ترجمان کامزیدکہناتھاکہ وزیراعظم کےمطابق کرتارپوررہداری کھولنےکیلئےپرعزم ہیں، بھارت کیلئے پاکستان کی فضائی حدود بندکرنےکاابھی فیصلہ نہیں کیا۔پاکستان کی فضائی حدودکی بندش کا معاملہ ابھی زیرغور ہے۔

افغنستان میں امن کے قیام سے متعلق دفتر خارجہ کےترجمان نے کہا کہ افغانستان کو سرحدپار دہشتگردوں کے ٹھکانوں سےآگاہ کیا۔ توقع ہےافغانستان دہشت گردوں کےٹھکانےروکنے کیلئےاقدامات کرےگا۔

ترجمان نے کہا کہ پاکستان نےافغانستان کےالزامات مسترد کردیے،پاکستان کبھی باہمی مذاکرات سے پیچھے نہیں ہٹا۔

دفترخارجہ کے ترجمان کامزید کہناتھا کہ پاکستان افغان امن مذکرات کا نتیجہ خیزاختتام چاہتاہے۔