وزیر اعظم عمران خان کی جانب سے مقبوضہ جموں و کشمیر کی تشویشناک صورتحال کے پیش نظر فوری اقدام کے طور پر سات رکنی کمیٹی تشکیل دے دی گئی ہے۔

کمیٹی کی تشکیل کا اہم مقصد کشمیر کی موجودہ صورتحال کا مجوزہ ردعمل ترتیب دینے کے لیے، سیاسی، سفارتی اور قانونی پہلوؤں کا جائزہ لینے اور تجاویز مرتب کرنے کیلیئے ہے۔

یہ کمیٹی وزیر خارجہ، اٹارنی جنرل آف پاکستان، سیکریٹری خارجہ، ڈی جی آئی ایس آئی، ڈی جی (ملٹری آپریشنز)،ڈی جی (آئی ایس پی آر) اور وزیر اعظم کے نمائندہ خصوصی احمر بلال صوفی پر مشتمل ہو گی جبکہ اس کمیٹی کی تشکیل کا باقاعدہ نوٹیفکیشن جاری کر دیا گیا ہے۔

واضح رہے کہ گذشتہ دونوں بھارت کی جانب سے وادی نیلم پر کلسٹر بم کا حملہ کیا گیا تھا جسے پوری دنیا نے تنقید کا نشانہ بنایا اور بھر پور مزمت بھی کی گئی۔

جبکہ گذشتہ روز بھارت نے مقبوضہ کشمیرکی خصوصی حیثیت ختم کردی تھی، بھارتی صدر نے آرٹیکل 370 ختم کرنے کے بل پر دستخط بھی کردیے گئے تھے جس پر بھارتی لیڈروں کے ساتھ ساتھ پوری دنیا نے مترد کرتے ہوئے کہا کہ ایسا کرنا ہر گز کوئی صورت نہیں ہے اور نہ ہی کشمیر کا معاملہ اندرونی ہے۔

جسکے متعلق وزیر اعظم کی جانب سے پارلیمنٹ کا مشترکہ اجلاس بلایا گیا جس میں کشمیر کی موجودہ صورتحال پر اجلاس سے خطاب کرتے ہوئے وزیراعظم عمران خان کا کہنا تھا کہ یہ اجلاس صرف پاکستانی نہیں، کشمیری قوم اورپوری دنیا بھی دیکھ رہی ہے ۔بھارت نے جو فیصلہ کیا ہے اس کے اثرات پوری دنیا پرہوں گے ۔