وزیراعظم عمران خان کاکہناہےکہ ہندوستانی اور عالمی میڈیا میں مودی سرکار کے ہاتھوں مسلمانوں کی نسل کشی کی اطلاعات سےدنیا میں خطرے کی گھنٹیاں بج اٹھنی چاہیے۔

سماجی رابطے کی ویب سائٹ ٹویٹرپربیان دیتے ہوئےوزیراعظم نےکہا کہ کشمیر پر غیرقانونی قبضہ مسلمانوں کیخلاف ایک بڑی حکمت عملی کا حصہ ہے۔

وزیراعظم نےکہاکہ بھارت سمیت عالمی میڈیا مودی کی جانب سے مسلمانوں کی نسل کشی پر رپورٹس جاری کر رہا ہے،کشمیر کا غیر قانونی الحاق مسلمانوں کو نشانہ بنانے کی پالیسی ہے۔

گزشتہ روزوزیراعظم کی قوم سے اپیل پرکشمیریوں سےاظہار یکجہتی کیلئے ملک بھر میں کشمیرآورمنایاگیا اورکشمیریوں سے اظہار یکجہتی کے طور پر12 بجتے ہی سائرن بجائے گئے۔ اس موقع پرکشمیر اورپاکستانی پرچم بھی لہرائے گئے۔

وزیراعظم عمران خان نےکشمیریوں سےاظہاریکجہتی کی تقریب سے خطاب کرتے ہوئے کہا کہ کشمیری بہت مشکل وقت میں کھڑے ہیں،پاکستانی قوم آخری دم تک کشمیریوں کےساتھ کھڑی رہے گی۔

ہندوستانی اور عالمی میڈیا میں مودی سرکار کے ہاتھوں مسلمانوں کی نسل کشی کی اطلاعات سے دنیا بھر میں خطرے کی گھنٹیاں بج اٹھنی چاہئیے کہ کشمیر پر غیرقانونی قبضہ مسلمانوں کیخلاف ایک بڑی حکمت عملی کا حصہ ہے۔https://www.bolnews.com/urdu/pakistan/2019/08/564030/amp/

— Imran Khan (@ImranKhanPTI) August 31, 2019

وزیراعظم کاکہناتھاکہ بھارتی سرکار نےکشمیریوں پر ظلم وستم کی ساری حدیں پار کردیں،کشمیری تقریباً4 ہفتوں سے کرفیو کی وجہ سے قید ہیں۔

خطاب کے دوران وزیراعظم نے کہا کہ آرایس ایس کانظریہ مسلمانوں کے خلاف نفرت ہے، مسلمانوں کےخلاف نفرت کے رویے نےبھارت پرقبضہ کرلیاہے۔ آر ایس ایس جنونی اور انتہاپسندگروپ ہے،آر ایس ایس سے تعلق رکھنے والے شخص نے ہی گاندھی کوبھی قتل کیاتھا۔

وزیراعظم عمران خان کاتقریب سےخطاب میں کہناتھا کہ افسوس ہےکہ دنیامسلمانوں پر مظالم ہونے پربھی خاموش رہتی ہے،اگرکشمیری مسلمان نہ ہوتےتوآج پوری دنیامیں شور ہوتا۔نازیوں کافلسفہ آج کشمیر میں نظر آرہاہے۔ نازی پارٹی سمجھتی تھی جرمنی میں کوئی اور نسل نہیں۔5سے6کروڑ انسان دوسری جنگ عظیم میں مارے گئےتھے۔

وزیراعظم نے کہاکہ نیوکلئیرطاقتوں کی جنگ سے نقصان ساری دنیاکوہوگا۔خطاب کے دوران وزیراعظم نےدوٹوک الفاظ میں بھارت کوتنبیہہ کرتے ہوئے کہا کہ بھارت کسی خوش فہمی میں نہ رہے،بھارت نے اگرجارحیت  کی تواینٹ کاجواب پتھر سےدیں گے، مودی نے آزاد کشمیرمیں کچھ کیاتو ہماری فوج پوری طرح سےان کا مقابلہ کرنےکیلئےتیارکھڑی ہے۔