چیئر مین نیب جسٹس (ر)جاوید اقبال نے کہا ہے کہ کرپشن تمام برائیوں کی جڑ ہے جو ملک کی ترقی و خوشحالی کی راہ میں رکاوٹ ہے۔

اسلام آباد میں نیب کے ایگزیکٹو بورڈ کے اجلاس میں خطاب کے دوران چیئر مین نیب جسٹس (ر)جاوید اقبال نے کہا کہ نیب ایک قومی ادارہ ہے جو ملک سے بدعنوانی کے خاتمے اور بدعنوان عناصر سے لوٹی گئی رقوم برآمد کرنے میں کوشاں  ہے۔

انہوں نے کہا کہ کرپشن تمام برائیوں کی جڑ ہے جو ملک کی ترقی و خوشحالی کی راہ میں رکاوٹ ہے۔

ان کا مزید کہنا تھا کہ نیب نے اب تک 326ارب روپے بدعنوان عناصر سے لوٹی گئی رقوم برآمد کرکے قومی خزانہ میں جمع کروائے، جو ایک ریکارڈ کامیابی ہے ۔

انہوں نے کہا کہ بزنس کمیونٹی ملک کی ترقی  کے لئے ریڑھ کی ہڈی کی حیثیت رکھتی ہے۔

چیئر مین نیب  نے کہا کہ بزنس کمیونٹی کے مسائل کے حل کیلئے نیب ہیڈکوارٹرزاور علاقائی دفاتر میں خصوصی سیل قائم کئے گئے  ہیں۔