بزرگ حریت رہنما سید علی گیلانی نے کہا ہے کہ بھارتی قبضے سے مکمل آزادی تک جدوجہد جاری رکھنا ہوگی۔

تفصیلات کے مطابق بزرگ حریت رہنما علی شاہ گیلانی نے کشمیری عوام کے نام خط میں لکھا کہ کشمیری عوام بہادری سے بھارتی مظالم کے خلاف اٹھ کھڑے ہوں۔

 سید علی گیلانی نے کہا کہ بھارت کی سرتوڑ کاوشوں کے باوجود جسطرح مسئلہ کشمیر اقوام متحدہ سلامتی کونسل میں اٹھا پہلے نہیں ہوا۔

علی گیلانی نےکشمیریوں کے نام اپنے خط میں لکھا کہ کشمیر میں مواصلاتی نظام بند اور ہزاروں نوجوانوں کو گرفتارہیں۔

علی گیلانی نے یہ بھی کہا کہ بھارت اپنی وحشیانہ بربریت کی اطلاعات بیرونی دنیا تک پہنچنے سے روک رہا ہے لیکن وہ یہ یاد رکھے کہ اسے تاریخ کبھی معاف نہیں کرے گی اور بھارتی مظالم کی تاریخ ہر خالی صفحہ چیخ چیخ کر بتائے گا ۔

سید علی گیلانی کا کہنا تھا کہ مقبوضہ کشمیرسے باہر لوگ کشمیر کے سفیر بنیں اوراحتجاج کریں۔

انہوں نےاپنے خط میں واضح کیا کہ آج کشمیر کی تالا بندی ہے، پوری وادی کو جیل میں تبدیل کردیا گیا ہے۔

سید علی گیلانی نے کہا کہ بھارت کشمیر کا جغرافیہ، ہیت اور آبادی کا تناسب تبدیل کرنا چاہتا ہے جو عالمی قوانین اور اقوام متحدہ کی سلامتی کونسل کی قرار دادوں کے منافی ہے۔

انہوں نے خط میں کہا کہ کشمیریوں پر مسلط کردہ یکطرفہ فیصلہ اور اس کی دو حصوں میں تقسیم  جمہوریت اورجمہوری اقدار کے منافی عمل ہیں۔

سید علی گیلانی نےیہ بھی کہا کہ بھارت کے نزدیک کشمیریوں کی کوئی اہمیت نہیں ، بھارت کشمیری نہیں ، کشمیر کی سر زمین چاہتا ہے ، سید علی گیلانی نے کہا کہ اب وقت آ گیا ہے کہ بھارت نواز قیادت بھارتی قبضے کیخلاف مکمل آزادی کیلئے ساتھ دے ۔

بزرگ حریت رہنما سید علی گیلانی نےیہ مزید کہا کہ کہ بھارت جان لے کہ اگر وہ دس لاکھ نہیں اپنی پوری فوج بھی لے آئے تو کشمیری اپنے حق سے دستبردار نہیں ہوں گے۔